AŞPA-da Bakıya qarşı olan deputatımız… - Çavuşoğlu | SON XƏBƏR | SON XƏBƏR

AŞPA-da Bakıya qarşı olan deputatımız… – Çavuşoğlu

mevlut-cavusoglu-670_300x166Türkiyənin Avropa Şurası Parlament Assambleyasındakı nümayəndə heyətinin üzvü olan müxalif Cümhuriyyət Xalq Partiyasının (CHP) deputatları Deniz Baykal, İlhan Kesici və Ayşe Gülsün Bilgehanın AŞPA-da Azərbaycana qarşı sənədi dəstəkləmələrini kəskin şəkildə pisləyirik.

Bunu report-a Türkiyənin Xarici İşlər naziri Mövlud Çavuşoğlu bildirib.

Onun sözlərinə görə, həmin millət vəkillərindən biri səhv etdiyini boynuna alıb, yəni Azərbaycanın əleyhinə olan sənədə bilmədən səs verdiyini yazılı olaraq müvafiq qurumlara bildirib: "AŞPA-da bu cür hadisələr əvvəllər də olub. Bu qurumda müəyyən siyasi qruplar var və onların təzyiqi ilə belə addımlar atılmışdı. Ancaq bunlar milli məsələlərdir. Türkiyənin məsələsində olduğu kimi, Azərbaycanın məsələsinə də eyni həsasslığı göstərməyimiz vacibdir. Ona görə də bu məsələyə siyasi mövqe və ideologiyadan doğan bir mövqe kimi baxa bilmərik. "Mənim AŞPA-dakı təmsilçilərim belə istəyir, mən də elə səs verəcəyəm" düşüncəsi ilə hərəkət etmək doğru deyil. Əgər iki qardaş ölkə arasında hansısa bir problem varsa, bunu öz aramızda danışıb həll etməliyik. Hər halda kənarda Azərbaycan düşmənləri ilə bir yerdə hərəkət edə bilmərik. Bu, çox səhv addımdır, bunu qəbul edə bilmərik və kəskin şəkildə qınayırıq. Biz Azərbaycana qarşı olan hər kəsi qınayırıq. Bu, belə olub və bundan sonra da belə olacaq".


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>