Lotu Qulinin düşməni tutuldu: Aqibəti məlum deyil | SON XƏBƏR | SON XƏBƏR

Lotu Qulinin düşməni tutuldu: Aqibəti məlum deyil

lotu_288x187Kriminal aləmdə "Dato Ağcəbədinski" kimi tanınan kriminal avtoritet Cavid Məmmədov Ukraynada saxlanılıb.

Cavid Məmmədov mayın 5-də paytaxt Kiyevdə saxlanılaraq ölkədən 3 il müddətinə deportasiya edilib.

Məlumatda qeyd edilir ki, Cavid Məmmədov Ukraynada bir sıra iri ticarət mərkəzləri ələ keçirmək üçün bu ölkədə adamlarını yerləşdirmək niyyətində olub.

Lakin Ukrayna Xüsusi Xidmət Orqanları tərəfindən saxlanılan Dato Ağcəbədinski ölkədən çıxarılıb. Onun hansı ölkəyə deportasiya edildiyi məlum deyil.

Bundan başqa digər azərbaycanlı qanuni oğru İlqar Əliyev də bu günlərdə Ukraynadan deportasiya edilib. Belə ki, İstanbul-Kiyev reysi ölkəyə gələn İlqar Əliyev hava limanında saxlanılaraq geri qaytarılıb.

Qeyd edək ki, Dato Ağcəbədinski 1985-ci il martın 14-də Ağcabədidə anadan olub.

Bir müddət sonra o, Moskvaya köçüb. Burada kriminal aləmə qoşulub.

2002-ci ildə Moskvada bir nəfəri öldürməyə cəhddə təqsirləndirilərək həbs edilib. Moskva şəhər Məhkəməsinin hökmü ilə 7 il müddətinə azadlıqdan məhrum edilib. Həbsdə olduğu müddətdə kriminal aləmdə böyük rəğbət qazanan gənc azərbaycanlı yenidən məhkəmə qarşısına çıxarılır. Moskvanın Kolomenski rayon Məhkəməsi Cavidi 2006-cı ildə Rusiyanın ən ağır cəzaçəkmə müəssisəsi olan “Vladimir Sentral”a göndərirlər. O, cəzasının yerdə qalan 3 ilini qapalı həbsxanada çəkir.

“Vladimir Sentral”da cəza çəkən Cavid Məmmədov burada kriminal avtoritetlərlə birgə münasibət qurur. Onunla eyni dövrdə həbsxanada Merab Suxumski, Bitya Tbiliski, Avto Kopala, Laça Celadze kimi oğrular cəza çəkib.

O, türmədə dövrün tanınmış oğrularından Laçi Celadze ilə (Raça) dostluq eləməyə başlayıb.

Cavid Məmmədov 2009-cu ildə azadlığa çıxıb. Raça Cavidi oğru aləmində Dato Kutaiski və Zaza Ambroladze kimi tanınan nüfuzlu kriminallarla tanış edir. Bundan sonra hər 3 qanuni oğru Cavidə dəstək verirlər.

Daha sonra Cavid bir çox kriminal hadisələrin iştirakçısı olur.

2013-cü iyunun 27-də Yunanıstanda keçirilən sxodkada Dato Kutaiski, Zaza və Şikora Cavidə qanuni oğru adı verib. Həmin sxodkada Caviddən başqa, həmçinin, Kaxa Kaxetinski, Leki Rustavinski, “Stalin” ləqəbli Uqrelidze, Papuna Kutaiski, Badraçuna oğru adını alıb.

Lakin Lotu Quli Cavidin oğru adını almasını qəbul etməyib. N.Səlifov bildirib ki, yalnız o, azərbaycanlılardan kimin bu ada layiq olduğuna qərar verə bilər.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>