Millət vəkilindən gənc rəssamlara dəstək – Foto | SON XƏBƏR | SON XƏBƏR

Millət vəkilindən gənc rəssamlara dəstək – Foto

qenire_(3)_280x187Millət vəkili Qənirə Paşayevanın rəhbərlik etdiyi Beynəlxalq Avrasiya Araşdırmaları İnstitutu İB, həmçinin Antalya Jurnalistlər Cəmiyyəti, Antalya Türk Ocaqları, “AzəriMed”, “Veysəloğlu” şirkətlərinin və “Lider Lojistik”in dəstəyi ilə Antalyada fiziki imkanları məhdud olan iki gənc istedadlı rəssam Ramil Əhmədov və Behbud Cəfərquliyevin sərgisi təşkil edilib.

Azərbaycan Xalq Cümhuriyyətinin 100-cü ildönümünə həsr olunan və “Bir millət, iki dövlət” adlanan sərgidə bələdiyyə başqanları, QHT, KİV rəhbərləri və çoxlu aydınlar iştirak edib.

Millət vəkili Qənirə Paşayeva çıxışında gənc rəssamların fitri istedadından bəhs edib:

“Bu iki istedadlı gəncin əsərləri bir daha sübut edir ki, fiziki məhdudiyyətli insanlar cəmiyyətdə heç də digər yaşıdlarından geri qalmır, əksinə daha çox həyata bağlanaraq, öz xəyal və arzularını gerçəkləşdirməyə can atır. Tamaşaçı sərgidə nümayiş edilən əsərlərə baxdıqca sanki Ramil Əhmədovun və Behbud Cəfərqulievin işıqlı könül dünyasına səyahət edir, onların xəyal və fikirlərinin məhsulu ilə tanış olur”.

Q.Paşayeva hər iki rəssamın Azərbaycan, Türkiyə, Qarabağla bağlı çəkdiyi əsərlərin önəmini xüsusilə vurğulayıb:

“Ramil və Behbudun qəlbində böyük bir türk dünyası sevdası var və bir millət iki dövlət düşüncəsini onların bir sıra əsərlərində görmək mümkündür. Türkiyəni heç zaman görməsələr də, qardaş ölkəni çəkən bu gəncləri türk dünyası daha yaxından tanımalıdır”.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>