Kirayədə yaşayan polis, prokurorluq əməkdaşlarına, hərbi qulluqçulara ödənilən pul kompensasiyası 3 dəfə artırılıb | SON XƏBƏR | SON XƏBƏR

Kirayədə yaşayan polis, prokurorluq əməkdaşlarına, hərbi qulluqçulara ödənilən pul kompensasiyası 3 dəfə artırılıb

 Azərbaycanın Baş naziri Novruz Məmmədov

Nazirlər Kabineti “Daxili işlər orqanlarında xidmət yerinin dəy

Azərbaycanın Baş naziri Novruz Məmmədov

Nazirlər Kabineti “Daxili işlər orqanlarında xidmət yerinin dəyişdirilməsi ilə əlaqədar yaşayış yeri olmayan daxili işlər orqanları əməkdaşlarına və onların ailə üzvlərinə xidmət keçdiyi dövr ərzində kirayəyə götürülmüş yaşayış sahəsindən istifadə haqqı (kirayə haqqı) üçün yaşayış məntəqəsindən asılı olaraq, pul kompensasiyasının məbləği və verilməsi Qaydası”nda, “Hərbi qulluqçulara (hərbi qulluqçu hazırlayan xüsusi təyinatlı təhsil müəssisələrinin ailəli kursantlarına) müvəqqəti mənzilin kirayəsi üçün pul kompensasiyası məbləğinin müəyyən edilməsi haqqında”, “Prokurorluq orqanlarında xidmət yerinin dəyişdirilməsi ilə əlaqədar yaşayış yeri olmayan və bu səbəbdən kirayə götürülmüş mənzildə yaşayan prokurorluq işçilərinə pul kompensasiyasının məbləği və verilməsi Qaydası”nda, “Ehtiyata və ya istefaya buraxılmış vətəndaşların bəzi kateqoriyalarına müvəqqəti mənzil kirayəsi xərclərinin məbləğinin və ödənilməsi qaydasının müəyyən edilməsi barədə” qərarında və “Miqrasiya orqanlarında qulluq yerinin dəyişdirilməsi ilə əlaqədar yaşayış yeri olmayan miqrasiya orqanlarının işçilərinə və onların ailə üzvlərinə mənzil kirayəsi üçün pul kompensasiyasının məbləği və ödənilməsi Qaydası”nda dəyişiklik edib.

Dəyişikliklə bağlı sənədi Baş Nazir Novruz Məmmədov imzalayıb.

Dəyişikliklə daxili işlər orqanlarında (Daxili İşlər Nazirliyinin Daxili Qoşunları istisna olmaqla) xidmət yerinin dəyişdirilməsi ilə əlaqədar yaşayış yeri olmayan daxili işlər orqanları əməkdaşlarına və onların ailə üzvlərinə xidmət keçdiyi dövr ərzində kirayəyə götürülmüş yaşayış sahəsindən istifadə haqqı (kirayə haqqı) üçün yaşayış məntəqəsindən asılı olaraq verilən kompensasiyası Bakıda 47 manatdan 150 manata, başqa şəhər və rayon mərkəzlərində 33 manatdan 75 manata, digər yaşayış məntəqələrində 27 manatdan 55 manata çatdırılıb.

Bu məbləğ Gəncə, Naxçıvan, Sumqayıt, Xırdalan şəhərləri və Abşeron rayonunda isə 100 manat müəyyən edilib.

Sənədə əsasən, yaşayış yeri olmayan hərbi qulluqçulara (müddətli həqiqi hərbi xidmət hərbi qulluqçularından başqa) və hərbi qulluqçu hazırlayan xüsusi təyinatlı təhsil müəssisələrinin ailəli kursantlarına müvəqqəti mənzilin kirayəsi üçün ayrı-ayrı yaşayış məntəqələri üzrə hər ay verilən kompensasiya Bakı şəhərində - şərti maliyyə vahidi məbləğinin 43 misli miqdarında deyil, 150 manat miqdarında, başqa şəhər və rayon mərkəzlərində - şərti maliyyə vahidi məbləğinin 30 misli miqdarında deyil, 75 manat miqdarında, digər yaşayış məntəqələrində - şərti maliyyə vahidi məbləğinin 25 misli miqdarında deyil, 55 manat miqdarında veriləcək.

Gəncə, Naxçıvan, Sumqayıt, Xırdalan şəhərləri və Abşeron rayonunda 100 manat müəyyənləşib.

Bununla yanaşı, prokurorluq orqanlarında xidmət yerinin dəyişdirilməsi ilə əlaqədar yaşayış yeri olmayan prokurorluq işçilərinə qulluq keçdiyi dövr ərzində müvəqqəti mənzilin kirayəsi üçün yaşayış məntəqəsindən asılı olaraq, hər ay verilən pul kompensasiyası Bakı şəhərində - 47 manatdan 150 manata, başqa şəhər və rayon mərkəzlərində 33 manatdan 75 manata, digər yaşayış məntəqələrində - 27 manatdan 55 manata qaldırılıb.

Gəncə, Naxçıvan, Sumqayıt, Xırdalan şəhərləri və Abşeron rayonunda isə 100 manat müəyyən edilib.

Yaşa, xəstəliyə, ailə vəziyyətinə görə, habelə 5 təqvim ili xidmət etmiş və ştatların ixtisarına görə ehtiyata və ya istefaya buraxılmış və yerli icra hakimiyyəti orqanlarında mənzil uçotuna götürülmüş zabitlərə, gizirlərə və miçmanlara, habelə 15 təqvim ili və daha çox xidmət etmiş müddətdən artıq həqiqi hərbi xidmət hərbi qulluqçularına seçilmiş yaşayış yerinə gəldikləri günün 3 aylığından mənzil və ya fərdi yaşayış evinin tikintisi üçün torpaq sahəsi alanadək müvəqqəti yaşayış sahəsinin kirayəsi üçün ödənilən kompensasiya Bakı şəhərində – 47, 30 manatdan 150 manata, başqa şəhər və rayon mərkəzlərində – 33 manatdan 75 manata, digər yaşayış məntəqələrində – 28 manatdan 55 manata çatdırılıb, Gəncə, Naxçıvan, Sumqayıt, Xırdalan şəhərləri və Abşeron rayonunda isə 100 manata müəyyən edilib.

Miqrasiya orqanlarında qulluq yerinin dəyişdirilməsi ilə əlaqədar yaşayış yeri olmayan işçilərə və onların ailə üzvlərinə yaşayış məntəqəsindən asılı olaraq, mənzil kirayəsi üçün hər ay verilən pul kompensasiyası Bakı şəhərində - 47 manatdan 150 manata, başqa şəhər və rayon mərkəzlərində - 33 manatdan 75 manata, digər yaşayış məntəqələrində - 28 manatdan 55 manata qaldırılıb.

Mənzil kirayəsi üçün Gəncə, Naxçıvan, Sumqayıt, Xırdalan şəhərləri və Abşeron rayonunda isə 100 manat veriləcək.

Qərar martın 1-dən qüvvəyə minib.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>