Elmira Süleymanova: "Avropa Şurasının Qarabağla bağlı daha konkret addımlarını görmək istərdik" | SON XƏBƏR | SON XƏBƏR

Elmira Süleymanova: “Avropa Şurasının Qarabağla bağlı daha konkret addımlarını görmək istərdik”

Ombudsman Elmira Süleymanova

"Avropa Şurasının Dağlıq Qarabağ münaqişəsinin həlli ilə bağlı qərarlarının icrası üzrə daha konkret planlar görmək istərdik. Çünki sülh olmadan davamlı inkişaf olmaz. Daha konkret addımlar görmək istəyirik. Azərbaycan bu cür maneələrin aradan qaldırılması üçün səy göstərməyə həmişə hazırdır".

Sonxəbər.info "Report"a istinadən  xəbər verir ki, bu fikirləri Azərbaycan Respublikasının İnsan Hüquqları üzrə Müvəkkili (Ombudsman) Elmira Süleymanova Avropa Şurasının 70 illik yubileyi münasibətilə Bakıda keçirilən “Hüquqlarımız, azadlıqlarımız, bizim Avropa” adlı konfransın açılışında söyləyib.

O həmçinin AŞPA-nın Qarabağ münaqişəsi ilə bağlı 1416 saylı (2005-ci il) qətnaməsini xatırladıb.

Ombudsman Azərbaycanın AŞ-nin insan hüquqları ilə bağlı sənədlərinə qoşulmasının milli qanunvericiliyin təkmilləşdirilməsində vacib amil olduğunu vurğulayıb: "AŞ-yə üzv olduğu dövrdə Azərbaycan qurumun bir sıra vacib sənədlərinin hazırlanmasında və qəbul edilməsində iştirak edib. İnsan hüquqlarının daha səmərəli təmin edilməsi baxımından Azərbaycanda ombudsman təsisatının yaradılması da vacib amildir. Bundan başqa, qeyd etmək istəyirəm ki, Azərbaycan və AŞ, eləcə də AŞPA konkret iş planı üzrə əməkdaşlıq etsəydi, çox səmərəli olardı".

 


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>