Çində yarasa ətinin satışı bərpa olundu | SON XƏBƏR | SON XƏBƏR

Çində yarasa ətinin satışı bərpa olundu

Dünya əhalisinin 1/3 hissəsinin karantində qalmasına baxmayaraq, Çində həyat əvvəlki axarına qayıdıb. Ölkə bazarlarında yarasa, əqrəb kimi heyvanların satışı bərpa olunub.

“Report” xarici KİV-ə istinadən xəbər verir ki, Çində küçədə yerləşən bazarlar yenidən açılıb.

Burada satıcılar adi ətdən başqa, vəhşi heyvanların ətlərini də satmağa başlayıblar.

“Bazarda xalq təbabəti üçün istifadə edilən itlər, pişiklər, əqrəblər və digər canlılar ciddi antisanitariya şəraitində satılır”,- “Daily Looks”qəzetinin müxbiri bildirib.

Analoji hadisə ilə “Daily Mail”in jurnalisti də qarşılaşıb. Bazarlarda yarasaların da satışı ilə üzləşən müxbir vəziyyətin pandemiyadan əvvəlki dövr ilə heç bir fərqin olmadığını bildirib:

“Burada heç kəs narahat deyil. Onlar düşünürlər ki, koronavirus problemi ancaq xaricdə qalıb. Bazarlar əvvəlkitək işləyirlər, sadəcə, indi mühafizəçilər şəkil çəkməyə icazə vermir”, - “Daily Mail”in jurnalisti vurğulayıb.

Qeyd edək ki, Çin rəhbərliyinin hesabatına görə, COVID-19 infeksiyasının əsas mənbələrindən biri Uhan şəhərindəki vəhşi heyvan əti bazarı olub. Bildirək ki, Çində vəhşi heyvan ətinin satışı 2 ay öncə yasaqlanıb.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>