“İnsanlar idman etməyə gətsə, idman qurğularını sökəcəyik” | SON XƏBƏR | SON XƏBƏR

“İnsanlar idman etməyə gətsə, idman qurğularını sökəcəyik”

“Nazirlər Kabineti yanında Operativ Qərargahın təlimatına əsasən, 10 nəfərdən artıq şəxsin parklarda, bulvarlarda toplaşmasına qadağa qoyulub. Ancaq vətəndaşlarımız yenə də bulvara üz tuturlar. Buna görə də Bulvar İdarəsi ərazidə fəaliyyət göstərən iaşə obyektlərinin, attraksionların və parklanma yerlərinin hamısının bağlanmasına məcbur qalıb”.

Unikal.org xəbər verir ki, bunu Dənizkənarı Bulvar İdarəsinin İdarə Heyətinin sədri İlqar Mustafayev AzTV-nin “Hədəf” verilişində deyib.

Onun sözlərinə görə, son 2 gündə edilən müşahidələrə görə, əvvəllər gün ərzində bulvara 25 min nəfər gəlibsə, bu tədbirlərin nəticəsində 8000-ə qədər adam azalıb:

“Əlbəttə, insanlar tələblərə əməl etməsələr, radikal addımlar da ata bilərik. Məsuliyyəti gərək hamımız dərk edək. Karantin elan olunmadan əvvəl bütün iaşə obyektlərini bağladıq. 14 martda qərar qəbul olunmuşdu ki, bütün uşaq əyləncə mərkəzlərinin fəaliyyəti dayandırılsın. Ona görə də, bütün attraksionlar, veloparklar, əyləncə mərkəzləri və iaşə obyektləri bağlandı. İdmanla məşğul olmaq istəyənlər bunu evlərində, həyətlərində etsinlər. Əgər görsək ki, yenə insanlar idman etməyə gəlir, o zaman radikal addımlar atıb idman qurğularını sökəcəyik”.

İ. Mustafayev bildirib ki, Operativ Qərargahın göstərişi olarsa, bulvara giriş tamamilə dayandırıla bilər:

“Qərargah bütün vəziyyəti izləyir, təcrübələri toplayır. Yəqin ki, zərurət yaranarsa, bulvar ərazisini bağlamaq mümkün olar”.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>