Məhkəmə Faiq Bağırov barəsində ilkin qərar verib (ƏLAVƏ OLUNUB ) | SON XƏBƏR | SON XƏBƏR

Məhkəmə Faiq Bağırov barəsində ilkin qərar verib (ƏLAVƏ OLUNUB )

Məhkəminin qərarı ilə Xarici İşlər Nazirliyinin Konsulluq İdarəsinin rəisi Faiq Bağırov həbs edilib.

Trend-in məlumatına görə, Səbail rayon Məhkəməsində Azərbaycanın Türkiyədəki keçmiş səfiri, Xarici İşlər Nazirliyinin Konsulluq İdarəsinin rəisi Faiq Bağırov barəsində həbs qətimkan tədbirinin seçilməsinə dair istintaq orqanının təqdimatına baxılıb.

Hakim Şahin Abdullayevin sədrliyi ilə keçirilən prosesdə təqdimat təmin olunub. Məhkəmənin qırarı ilə Faiq Bağırovun barəsində 4 ay müddətinə həbs qətimkan tədbiri seçilib.

X X X

16:58

Azərbaycanın Türkiyədəki keçmiş səfiri, XİN-in Konsulluq İdarəsinin rəisi Faiq Bağırov məhkəməyə gətirilib.

Hazırda Səbail Məhkəməsində hakim Şahin Abdullayev sədrliyi ilə Faiq Bağırova qarşı irəli sürülmüş ittihamlar üzrə təqdimata baxılır.

X X X

16:52

Azərbaycanın Türkiyədəki keçmiş səfiri, Xarici İşlər Nazirliyinin Konsulluq İdarəsinin rəisi Faiq Bağırov saxlanılıb.

Trend-in məlumatına görə, Faiq Bağırov barəsində Səbail rayon Məhkəməsinə təqdimat daxil olub. Təqdimata hakim Şahin Abdullayev baxacaq. F. Bağırov Cinayət Məcəlləsinin 179.3.2-ci (mənimsəmə, külli miqdarda törədildikdə), 308.1-ci (vəzifə səlahiyyətlərini aşma) və 311.3.2-ci (külli miqdarda rüşvət alma) maddələri ilə təqsirli bilinir.

Qeyd edək ki, bir neçə gün əvvəl Dövlət Təhlükəsizliyi Xidmətin Xarici İşlər Nazirliyində əməliyyat keçirilib. Dövlət Təhlükəsizliyi Xidmətində (DTX) aparılan cinayət işi üzrə Xarici İşlər Nazirliyində istintaq-əməliyyat tədbiri keçirilib. Əməliyyat nəticəsində XİN-in İşlər idarəsinin müdiri, Nazirliyin Tender Komissiyasının sədri Fərhad Molla-zadə, İşlər idarəsinin Təsərrüfat şöbəsinin müdiri Səlim Əlizadə və Konsulluq idarəsinin Konsulluq-hüquq şöbəsinin rəisi Nurupaşa Abdullayev tərəfindən çoxsaylı qanunsuz əməllərə yol vermələrinə əsaslı şübhələr müəyyən edilərək saxlanılıb.


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>