Naxçıvan Muxtar Respublikasının 95 illiyinə həsr olunan monoqrafiya çapdan çıxıb | SON XƏBƏR | SON XƏBƏR

Naxçıvan Muxtar Respublikasının 95 illiyinə həsr olunan monoqrafiya çapdan çıxıb

Naxçıvan Muxtar Respublikasının sosial-iqtisadi və mədəni inkişafı

 

AMEA-nın Naxçıvan Bölməsinin sədri, akademik İsmayıl Hacıyevin “Naxçıvan Muxtar Respublikasının sosial-iqtisadi və mədəni inkişafı” adlı monoqrafiyası işıq üzü görüb.

Sonxəbər.info xəbər verir ki,nəşr Naxçıvan Muxtar Respublikasının 95 illiyinə həsr olunub. Vəsaitin ilk səhifəsində “Naxçıvan Muxtar Respublikasının 95 illik yubileyinə həsr olunmuş tədbirlər Planı”nın təsdiq edilməsi haqqında Naxçıvan Muxtar Respublikası Ali Məclisi Sədrinin 21 yanvar 2019-cu il tarixli Sərəncamı və həmin sənədə əsasən təsdiq olunmuş Tədbirlər Planı yer alıb.

Monoqrafiyada 1995-2019-cu illərdə Naxçıvan Muxtar Respublikasının sosial-iqtisadi və mədəni inkişafının ən mühüm cəhətləri tədqiq edilib, muxtar respublikanın dinamik və davamlı inkişafı, baş verən dəyişikliklər, qazanılan nailiyyətlər faktiki materiallar əsasında öyrənilib. 

Əsərdə göstərilib ki, bu gün Prezident İlham Əliyevin həyata keçirdiyi çoxşaxəli islahatlar Azərbaycan dövlətinin siyasi xarakterinin və inkişaf yolunu müəyyən edir. Bu müəyyənləşmə Azərbaycanı qısa müddət ərzində iqtisadi inkişaf göstəricilərinə görə bütün dünyada lider dövlətə çevirib. 

Azərbaycanın ayrılmaz bir parçası olan Naxçıvan Muxtar Respublikası da dövlət müstəqilliyinin bərpası və möhkəmləndirilməsi istiqamətində, sosial-iqtisadi və mədəni inkişafında uğurlu fəaliyyət göstərib, yüksək nailiyyətlər qazanıb.

Nəşrdə muxtar respublikanın müstəqillik yollarında əldə etdiyi uğurlar, keçdiyi tarixi inkişaf yolu ayrı-ayrı başlıqda verilən tədqiqat materiallarında əhatəli şəkildə oxucuların diqqətinə çatdırılır. 

 


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>