Gəncə terrorunda gözlərini itirən 2 uşaq anası - "Balalarımı ürəyimlə görərəm" | SON XƏBƏR | SON XƏBƏR

Gəncə terrorunda gözlərini itirən 2 uşaq anası – “Balalarımı ürəyimlə görərəm”

"O təkcə öz dünyasının deyil, həm də balalarının görən gözü idi - Pərvin Nüsrəddin qızı Qasımovanın (19.03.1994) cəmi 26 yaşı var. Dünənə qədər həyat onun üçün güllü-çiçəkli idi. Bu gündən isə qaranlıq, zülmət...

Dünənə qədər o, iki gül balasının necə böyüdüyünə şahid idi. Bu gündən isə doğmalarının üzünə həsrət..."

Milli.Az xəbər verir ki, baku.ws xəbər verir ki, bu sözləri aparıcı Hacı Nuran Hüseynov sosial şəbəkə hesabında yazıb. O, Pərvinin ailə fotolarını yayaraq həyat hekayəsini belə dilə gətirib:

"Daha o nə gün işığı görəcək, nə anasının üzünü, nə də balalarının böyüməyini... Sadəcə, sığal çəkəcək, oxşayacaq onları...

Çünki qatil erməni onu dünya işığına həsrət qoydu... Oktyabrın 17-də Gəncə terrorunun qurbanı olanlar arasında onun da adı var - Qasımova Pərvin Nüsrəddin qızı... İki gözünü itirdi Pərvin... Dağıntılar altından sağ çıxarıldığına şükr edir doğmaları...

O da üsyankar deyil... "Gözüm Vətənə qurban olsun" deyir... "Mən balalarımı bəsirət gözümlə görər, ürəyimin gözü ilə sevərəm... Təki Vətən sağ olsun, oğullar şəhid olmasın" deyir... Bundan böyük ürək olarmı?.. Gənc bir qızın məntiqi qarşısında baş əymək gərək...

Mən bu xalqın mərd oğul, qızları ilə fəxr edirəm... Biz ona görə bu gün tarix yazırıq... Çünki bu xalqın anaları Vətən uğrunda şəhid olan oğul tabutunu çiynində daşıyar, qızları isə "gözüm Vətənimə qurban olsun" deyər!"


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>