Qarabağ “müdafiə naziri”nin avtomobilinin vurulmasının yeni təfərrüatları açıqlandı... | SON XƏBƏR | SON XƏBƏR

Qarabağ “müdafiə naziri”nin avtomobilinin vurulmasının yeni təfərrüatları açıqlandı…

 Calal Arutyunyan bundan öncə kiminlə kəskin mübahisə edib?..

Qarabağda tör-töküntüləri hələ də sülənən qondarma separatçı-terrorçu rejimin ordusunun keçmiş komandanı Calal Arutyunyanın avtomobilinin 44 günlük savaş günlərindən birində qalib ordumuz tərəfindən vurulması ilə bağlı yeni məqamlar açıqlanıb.
 
Erməni nəşrlərinin yaydığı məlumata görə,  C. Arutyunyan avtomobili vurulmamışdan öncə   işğalçı Ermənistanın  o vaxtkı müdafiə naziri David Tonoyan ilə İordaniyadan gətirilən hava müdafiə sistemlərinin işləməməsi ilə bağlı  kəskin mübahisə edib.
“Mübahisə zamanı Calal Arutyunyan qeyd edib ki, müharibə bitdikdən sonra susmayacaq və  Qarabağın cənubunun səmasını tamamilə müdafiəsiz edənlərin adını çəkəcək. Üstəlik, partlayışdan bir gün əvvəl keçmiş ordu komandanı Qarabağ prezidenti Araik Arutyunyana bildirib ki, düşmənin bu istiqamətdə yeni qüvvələr topladığını nəzərə alaraq Şuşada və Daşaltı kəndində ehtiyat  canlı qüvvə və artilleriya toplayaraq istehkamlar qurmağa başlamaq lazımdır. C.Arutyunyanın yaxınları əmindir ki, onun hərəkət marşrutu barədə məlumatların sızdırılması qəsdən açıq rabitə yolu ilə təşkil edilmiş və nəticədə Azərbaycan Silahlı Qüvvələri müdafiə ordusu komandirinin yerini asanlıqla təsbit etmişdir”- Mediaport nəşri belə yazır.
Xəbərə o da əlavə edilir ki, Rusiya telegram- kanalları dünən Ermənistanın keçmiş müdafiə naziri David Tonoyanın hərbi vəziyyətə baxmayaraq Vyanaya uçduğunu yazıb. Daha öncə məlumat verilmişdi ki,  Patronu D.Tonoyana Vyanada bir mənzil bağışlayıb. Patronun kim olduğu isə açıqlanmır...
Sultan Laçın
Moderator.az


Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>