Müharibə zamanı dağıdılan məktəblərlə bağlı qərarlar üzərində işlənilir - Nazir | SON XƏBƏR | SON XƏBƏR

Müharibə zamanı dağıdılan məktəblərlə bağlı qərarlar üzərində işlənilir – Nazir

Vətən müharibəsi zamanı dağıntıları çox olan məktəblərlə bağlı müvafiq qərarların verilməsi üzərində işlənilir.

Bunu Təhsil naziri Emin Əmrullayev deyib.

Onun sözlərinə görə, 44 günlük Vətən müharibəsi zamanı ermənilərin atdığı raket atəşləri cəbhə bölgəsinə yaxın və ondan uzaq yerləşən radiusda yerləşən məktəblərdə tədrisi həyata keçirməyi mümkünsüz idi.

"Bu, 300 mindən artıq şagird, 1150-ə qədər məktəb demək idi. 54 məktəb müharibə dövründə bu və ya digər şəkildə zədələnib. Onların bərpası üçün müvafiq dövlət qurumları ilə birlikdə işləyirik. Düşünürəm ki, fevralın 1-də ibtidai sinif şagirdləri məktəbə qayıtdıqda bu məktəblərin əksəriyyəti onları qəbul etməyə hazır olacaq. Bəzi məktəblərdə dağıntılar çox olduğundan onlarla bağlı müvafiq qərarların verilməsi üzərində işləyrik".

E.Əmrullayev qeyd edib ki, dağıntıları çox olan həmin məktəblərin şagirdlərinin ya qonşu məktəblərə yerləşdiriməsi, ya da həmin məktəblərin hansısa otaqlarının müvəqqəti təmir edilməsi və daha sonra daha dayanıqlı həll yollarının tapılması nəzərdə tutulur.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>