Abel Məhərrəmovun qazancı ŞADLIQ SARAYLARINDANDIRSA... - Bu gün toy da yoxdur, görən, nə yeyir... | SON XƏBƏR | SON XƏBƏR

Abel Məhərrəmovun qazancı ŞADLIQ SARAYLARINDANDIRSA… – Bu gün toy da yoxdur, görən, nə yeyir…

Vaxtı ilə vəzifədə idilər. Hər kəs onları tanıyır və demək olar ki, qibtə belə edirdilər. Amma indi…

İndi isə unudulanlar siyahısındadılar. Onlardan bəziləri xaricdə yaşayır. İndi də iş-güc sahibi olanlar da var. Amma bir çoxu təqaüdlə dolanır.

Lent.az vaxtilə yüksək dövlət vəzifələrində çalışan və hazırda unudulan sabiq məmurlarla bağlı layihəsini təqdim edir.

Layihəmizdə bu dəfə Bakı Dövlət Universitetinin eks-rektoru Abel Məhərrəmovdan bəhs edəcəyik.

Abel Məhərrəmov 1950-ci il yanvarın 5-də Ağdam şəhərində anadan olub. Atası Məmmədəli Məhərrəmov riyaziyyatçı idi. Buna görə də oğlu anadan olanda adını Norveç riyaziyyatçısı Nils Abelin şərəfinə Abel qoyub.

1966-cı ilin may ayının 25-i Amasiya rayonun Güllübulaq kənd orta məktəbini qızıl medalla bitirdikdən sonra, elə həmin il də Bakı Dövlət Universitetinin kimya fakültəsinə qəbul olub və oranı 1971-ci ildə əla qiymətlərlə başa vurub. Universiteti bitirdikdən sonra təyinatla Ümümittifaq Olefinlər Elmi-Tədqiqat İnstitutunda operator, sonra isə mühəndis vəzifəsində çalışıb. 1973-ci ildə M.V.Lomonosov adına Moskva Dövlət Universitetində "Üzvi kimya” ixtisası üzrə əyani aspiranturaya daxil olub.

Elmi-pedaqoji fəaliyyəti dövründə xaricdə və Azərbaycanda 600-ə yaxın elmi məqalə dərc etdirib. O cümlədən 33 ixtiranın müəllifidir, 10-a yaxın monoqrafiya və 37 dərslik və dərs vəsaiti çap olunmuşdur.

Üzvi kimya kafedrasının müdiri, "Zərif üzvi sintez” elmi-tədqiqat laboratoriyasının rəhbəri, AMEA-nın həqiqi üzvü, Əməkdar Elm Xadimi, kimyanın əsas sahələrindən hesab edilən neft kimyası, üzvi kimya sahəsində geniş və dərin tədqiqatlar aparan, onu yeni biliklərlə zənginləşdirən, elmi məktəb yaradan tanınmış kimyaçı alimdir.

O, "Alkenilfenolların kimyası”, "Aminotiollar və onların törəmələri” və "Neft kimyası və neft-kimyəvi sintez”, "Dərman maddələrinin sintezi” dərsliklərinin müəllifidir.

1999-cu ildə Bakı Dövlət Universitetinin rektoru vəzifəsinə təyin edilib.

15 noyabr 2018-ci ildə Prezident İlham Əliyev Abel Məmmədəli oğlu Məhərrəmovun Bakı Dövlət Universitetinin rektoru vəzifəsindən azad edilməsi ilə bağlı sərəncam imzalayıb.

Bakı Dövlət Universitetinin eks-rektoru Abel Məhərrəmov hazırda işsizdir. Ailəlidir, iki övladı, beş nəvəsi var.

Sabiq rektor hazırda Bakıda yaşayır. O, qeyri-rəsmi biznesini idarə edir. Bu sırada "El Faro hotel Nabran” ailəvi istirahət mərkəzi, "Mono Liza” və "İzabella” şadlıq sarayı kimi məkanların adı çəkilir. "Mona Liza”nın adı son zamanlar qalmaqallı hadisələrdə hallanır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>